AMO A TUA ALMA SONETO

AMO A TUA ALMA SONETO

Non me namorei pola túa beleza

nin do teu fermoso corpo ben feito;

Eu non me namorei do teu peito,

nin da graza que che deu a natureza.

Senon que me namorei da túa grandeza,

do que ti es, do teu embruxo enfeito,

do que ti transmites, sendo dese xeito,

e do que representas coa túa nobreza.

Namoreime, amiga, na túa procura,

da túa voz, dos teus agarimos en si,

e do teu sorriso cheo de ternura.

Namoreime, amiga, da túa dozura...

...dos teus soños. Namoreime de ti,

do teu ser nobre, da túa alma pura.

Anxo Boán Rodriguez

in “Colectânea de Poesia Luso-Galaica”

Lido por Ester de Sousa e Sá